Казанда коронавирустан өстәмә вакцинация пункты ачылачак

4 августта Казанда «Южный» сәүдә үзәгендә COVID-19 дан вакцинацияләүнең өстәмә пункты ачылачак, дип хәбәр итә Казан мэриясе матбугат хезмәте.

Вакцинация пункты Җиңү Проспекты, 91 (керү бинаның кире ягыннан) адресы буенча көн саен 10:00 дән 19:00 гә кадәр эшләячәк

Биредә «Спутник V» вакцинасының беренче һәм икенче компонентлары белән прививка ясала. Һәр кеше үзе белән паспорт, полис, СНИЛС алып килергә тиеш.

Фото: kzn.ru