Татарстанда тәүлек эчендә 126 кешегә коронавирус диагнозы куелган

Татарстанның 126 кешесе узган 24 сәгать эчендә коронавирус йоктырган. 54 кешене хастаханәгә салганнар.

Моннан тыш, стопкоронавирус.рф порталы мәгълүматлары буенча, пандемия башланганнан бирле коронавирус инфекциясе корбаннарының рәсми саны үзгәрешсез калган - 1 998.

Исегезгә төшерәбез, коронавирус белән авыручылар саны арту сәбәпле, Татарстан Президенты Рөстәм Миңнеханов хезмәт коллективларында битлек режимын кертергә, шулай ук прививка ясау кампаниясен көчәйтергә тәкъдим итте.