Татарстанда тагын 393 кешедә коронавирус ачыкланган

Узган тәүлектә Татарстанда 393 кеше коронавирус йоктырган. 128 кеше хастаханәгә салынган, дип хәбәр ителә стопкоронавирус.рф порталында.

Шулай ук узган тәүлектә 43 кеше дәваланган. Пандемия башланганнан бирле коронавирустан 2001 кеше вафат булган.

Искәртеп узабыз, август азагында Татарстан Президенты Рөстәм Миңнеханов республикада ковидка каршы көрәш буенча оператив штаб эшен яңадан башларга кушты. Бу зарарлану очракларының артуы белән бәйле.

фото: pxhere.com