Татарстанда коронавирус йоктыруның 1 510 очрагы теркәлгән

18 декабрьдән 24 декабрьгә кадәр коронавирус инфекциясе йоктыруның 1 510 яңа очрагы теркәлгән. Бу хакта Объясняем.рф сайты җиткерә.

Бу чорда 188 авыру хастаханәгә эләгә, 1 875 кеше терелә. Үлем очраклары теркәлмәгән.

Барлык авырулар да медицина күзәтүе астында. Табиблар шәхси гигиена кагыйдәләрен үтәргә һәм хәлегез начарланган очракта медицина ярдәме сорап мөрәҗәгать итәргә искәрттеләр.

Фото: freepik.com