Татарстанда коронавирус белән авыручылар саны арту тотрыкланган

16 сентябрьдән 22 сентябрьгә кадәр Татарстанда 750 кеше коронавирус йоктырган. Бу саннар узган атна белән тәңгәл, шуңа бу йогышлы авыру белән зарарланучылар саны арту тотрыклана башлады дип әйтеп була.

Объясняем.рф порталы мәгълүматлары буенча, 100 авыру медицина ярдәме кирәк булган, калганнары йортларында дәвалана. Бу вакыт эчендә 650 татарстанлы дәваланган.

Бәхеткә, үлем очраклары теркәлмәгән. Элегрәк хәбәр ителгәнчә, дөньяда ковидның яңа варианты - ХЕС тарала. Бу "Омикрон"ның якын туганы. Аны беренче тапкыр Алманиядә ачыклаганнар.

Фото: TNV.RU