Татарстанда яңа бер коронавирус очрагы теркәлгән

Татарстанның оператив штабы коронавирус йоктыруның яңа очрагы турында хәбәр итте. Ул Аргентинадан Мәскәү аша кайткан җирле ханымда ачыкланган.

Хатын-кыз SU1278 рейсы белән кайтты. Хәзер ул Республика йогышлы авырулар хастаханәсенә китерелде. Авыру медицина күзәтүе астында. Үзен яхшы хис итә, температура юк. Аның белән бер рейста очкан пассажирларның барысы да тикшерелгән.

Бу инде Казанның йогышлы авырулар хастаханәсендә — коронавирус диагнозы китерелгән җиденче пациент. Барлык инфекцияле кешеләр-чит ил сәфәрләреннән кайтучылар.

фото: minzdrav.tatarstan.ru