Ун хуҗалыклы авылда мәчет салынган

Әлеге авылда нибары 10 хуҗалык. Анда беркайчан да мәчет булмаган. Нурлат районы Нариман авылында хәзер азан яңгыраячак. Биредә мәчет ачылды.

Якташлары Мөхтәр Хәмәтов инициативасы белән башланган проект авылдашлар, иганәчеләр ярдәме белән тормышка ашырылган. Кышкыга нибары бер яшәүчесе калучы кечкенә авыл өчен тантаналы чара очрашу, якташларны күрү шатлыгына әйләнде.

Мәчет агач бурадан ясалган, 20дән артык кеше сыйдырышлы. Кечкенә генә булса да, үз тәһарәтханәсе бар.

Фото: pixabay.com