Кол Шәриф мәчете вакытлыча ябылачак

«Казан Кремле» музей-тыюлыгының матбугат хезмәтендә хәбәр итүләренчә, Кол Шәриф мәчете 8 июль 16:00 сәгатьтән 9 июль 9:00 сәгатькә кадәр ябык булачак, дип яза Казан мэриясе матбугат хезмәте.

Исегезгә төшерәбез, 9 июльдә, Корбан бәйрәме көнендә, Кол Шәриф мәчетендә бәйрәм намазы узачак. Ул 3:10 сәгатьтә башлана.

Казан Кремленә килергә теләүчеләрдән маршрутны планлаштырганда мәчеткә баруны чикләүне исәпкә алуны сорыйлар.

Фото: ТНВ