Пенсионер Чаллыдагы «Җәмигъ» мәчете төзелешенә ярты миллион сум акча күчергән

Алабугада яшәүче пенсионер Чаллыдагы «Җәмигъ» мәчете төзелешенә 500 мең сум акча күчергән. Бу хакта "Шәһри Чаллы" газетасы яза.

Марсель Сәрвәров Алабугада яшәүче пенсионер. Ул Чаллыга барып «Җәмигъ» мәчете төзелешен караган. Күргәннәреннән канәгать калган һәм: «Финанс ярдәм күрсәтәсем килә», – дип мәчет төзелешенә ярдәм фондының реквизитларын алган.

Шул ук көнне кич белән фонд счетына 500 мең сум акча күчерелгән.

Фото: соц.сети