Казандагы яңа "Рауза" мәчете - видео

Казан мөселманнары өчен зур вакыйга! Кичә яңа мәчет ачылды. Ул Сеченов урамында урнашкан.

Совет районындагы әлеге микрорайонда моңарчы мәчетләр гомумән булмаган, шуңа ихтыяҗ зур. Тантанага Президент Рөстәм Миңнехановның да килүе аңа аерым бер төсмер өстәде. Ике манаралы, ике катлы гыйбадәт йорты “Рауза” исеме белән аталган. Бу исем мәчет салдыруны башлап йөргән Татарстанның финанс министры Радик Гайзатуллинның әнисе хөрмәтенә бирелә.

Мәчет үз эченә 300 ир-атны һәм 75 хатын-кызны сыйдыра ала.