Мобилизацияләнгән Татарстан солдатларына хәләл ризык җибәрү өчен 1,3 млн сум җыелган

Махсус хәрби операциядә катнашучы Татарстан Республикасы сугышчыларына ярдәм йөзеннән акча җыю турында игълан ителгәннән соң бер атна эчендә Нәзарәтнең “Зәкят” хәйрия фондына 1 300 000 сум акча килгән.

Акция кысаларында беренче чиратта хәләл азык-төлек сатып алыначак һәм җибәреләчәк: болар – тушенка, казылык, армия өчен коры паеклар, шулай ук термокием, йон оекбашлар, аптечка, перчаткалар. Акча җыю һәм солдатлар өчен кирәк-ярак әйберләрне алу дәвам итә. Теләгән һәр кеше үз өлешен кертә ала.

Акча күчерү өчен реквизитларны Татарстан Республикасы Диния нәзәрәте сайтында таба аласыз.

Фото: dumrt.ru