Мобилизацияләнгән солдатлар өчен намаз уку китаплары сатып алынган

Россия ислам институты мобилизацияләнгән татарстанлылар өчен намаз укырга өйрәнү буенча китаплар сатып алган. Акцияне институтның тәрбия эшләре буенча проректоры Ибраһим хәзрәт Шәйхабзалов РИИның студентлар советы белән берлектә оештырган.

Ибраһим хәзрәт Шәйхабзалов РИИ студентларының мобилизацияләнгән солдатларга ярдәм итәргә теләүләрен һәм әлеге акцияне уздыру идеясенә кушылуларын билгеләгән.

"Бу солдатларга авыр вакытта рухи яктан ныгырга ярдәм итәчәк. Шуны әйтәсем килә, әлеге акция бер тапкыр гына булмаячак. Хәзер без аларга тапшыру өчен намаз һәм тәһарәт алырга өйрәнү буенча 500 данә китап сатып алдык, якын арада тагын 500 данә сатып алыначак", – дигән ул.

Фото: dumrt.ru