Теләче районында яңартылган "Нурания" мәчете ачылды - видео

Теләче районының Алан авылында төзекләндерелгән мәчеттә кабат җомга намазы укыдылар. 1931нче елда манарасын кискәч, халык шактый еллар гыйбадәтханәсез яшәгән.

2000нче елда аны яңадан төзиләр. Быел исә мәчетне шул авылда туып-үскән, язучы, эшмәкәр Равилә Шәйдуллина ярдәме белән төзекләндерәләр. Ифтар ашлары, дини чаралар уздыру өчен өстәмә бина да төзегәннәр.