Әтнә районында яңа мәчет ачылды

14 гыйнварда Әтнә районы Яңа Шашы авылында яңа мәчет ачылды. Әлеге күркәм чараны хөрмәтләп, күпләгән кунаклар кайтты, районның дин һәм җәмәгать эшлеклеләре, авыл халкы җыелды, дип хәбәр итә Татарстан мөселманнарының Диния нәзарәте матбугат хезмәте.

Тантаналы ачылыштан соң мәчеттә җәмәгать белән беренче намаз укылган.

Мәчет бер катлы, кирпечтән төзелгән, 70 кешене сыйдырышлы, 60 кв.метрлы зур намаз залы, гардеробы һәм тәһарәтханәсе бар. Бинага ут һәм җылыту системасы тоташтырылган.

Фото: dumrt.ru