Рамазан аена әзерлек: Ураза кайчан башланачак, фитр сәдакасы күпме һәм Республика ифтары кайчан булачак?

Тиздән Рамазан башлана. Ай 22 мартта кояш баеганнан соң керә, Ураза гаете 21 апрельгә туры киләчәк. Татарстан Диния нәзарәтендә Рамазанга әзерлек турында сөйләделәр.

Быел үзенчәлекләре булачак. Әйтик, кеше күп йөри торган урындагы биналарны бизәү буенча конкурс оештырырга тәкъдим итәләр. Рәсемнәр дини стилдә булырга тиеш. Җиңүче Хаҗга юллама белән бүләкләнәчәк.