Бүген кич Кол Шәриф мәчете туристлар өчен ябылачак

Ураза бәйрәме алдыннан Кол Шәриф мәчете туристлар өчен ябык булачак. Мәчеткә 20 апрель 19:00 сәгатьтән 21 апрельнең 9:00 сәгатькә кадәр кереп булмаячак.

Исегезгә төшерәбез, 21 апрельдә мәчетләрдә бәйрәм чаралары 6:30 да Коръән укудан башланачак. Кол Шәрифтә намаз 7:30 да булыр дип көтелә.

Бу көнне маршрутлары шәһәр мәчетләре яныннан уза торган кайбер автобуслар һәм троллейбуслар 5:00 сәгатьтән йөри башлаячак. Казанда парковкалар да бушлай булачак.

Фото: ТНВ