Шагыйрь, галим Рифат Җамал: “Диванда яту җиңел, аннан тору кыен булачак”

Бу атнада “Әй язмыш, язмыш” тапшыруының студиясендә шагыйрь, Татарстанның атказанган фән, сәнгать эшлеклесе Рифат Җамал булды. Ул атаклы галим – биолог та әле. Рифат Җамал кеше сәламәтлеген ныгытуның үз серләре булуы турында фикер йөртте.

“Биологик яктан карасак, тормыш ул – матдәләр алышынуы. Агачлар үсә, чөнки аларда төрле матдәләр бар. Ә менә тимер кисәге җирдә ята, ул яшәми. Кеше дә шулай ук. Диванда яту җиңел инде ул. Аннан тору кыен булачак. Кеше физик күнекмәләр белән шөгыльләнергә, баш миен “хәрәкәттә” тотарга тиеш. Хәзерге балаларга карыйм да, шак катам. Аларга 3кә 2не куш дисәң дә, телефонга кереп китәләр. Баш ялкаулана бит. Аны һәрвакыт нәрсә белән булса да кызыксындырып торырга кирәк. Бу яктан китап уку бик булыша. Мин балачактан бик күп укыдым. Юрган астында фонарь тотып, китап укып чыккан төннәрем гаять күп булды”, - дип сөйләгән ул.

Тапшыруны тулысынча биредә карый аласыз!