500 мең кешелек бәйрәм: ил башкаласында Гает көнен ничек үткәрделәр?

Ураза бәйрәме Мәскәү өлкәсендәге 500 мең кешене берләштергән. Шуның кадәр кеше бүген Гает вәгазьләрен тыңларга килгән. Бу хакта Россия Мөселманнарының Диния Нәзарәтенең матбугат үзәге хәбәр итте.

Бүген Мәскәүнең Җәмигъ мәчетенә килүчеләр саны 350 меңнән күбрәк булган, ә шәһәр өлкәсендә Ураза гаетен бәйрәм итүче халык исәбе 200 меңнән арткан.

Исегезгә төшерәбез, бүген ТНВ-Татарстан һәм ТНВ-Планета каналлары Казандагы Галиев мәчетендә узган бәйрәм чараларын турыдан-туры трансляциядә күрсәтте.