Иртәгә мәчетләрдә бәйрәм намазы ничәдә башланачак?

Иртәгә Корбан гаете узачак. Сезгә Казанда Коръән укылу, гает вәгазе һәм намазын уку вакытларын тәкъдим итәбез.

Бу көнне Татарстан мәчетләрендә җәмәгать белән бәйрәм намазлары үтәчәк. Корбан бәйрәме уңаеннан үтүче гает намазын Татарстанның барлык мәчетләрендә дә кояш чыгып 30 минут узгач уку тәкъдим ителә. (Мисал өчен, 28 июнь көнне кояш Казанда 03.01 сәгатьтә, Актанышта - 02.42 сәгатьтә чыга) Башкала мәчетләрендә Корбан гаете түбәндәге тәртиптә үтәчәк:

2.30 - 03.00 – Коръән укылу;

03.00 - 03.30 – гает вәгазе укылу;

03.30 – гает намазын уку;

03.40 – гарәп телендә хөтбә, Коръән укып дога кылу.

Гает намазы укылганнан соң махсус билгеләнгән урыннарда корбан чалу башланачак һәм ул Казан шәһәрендә 30 июнь 20.32 сәгатькә кадәр (кояш баеганчы) дәвам итәчәк. Корбан нисабы күләме – 36 мең сум.

"ТНВ-Татарстан", "ТНВ-Планета" һәм ТНВ Вконтакте төркемендә Габдерәхим Утыз Имәни мәчетеннән туры трансляция алып барылачак.

Фото: ТНВ