Чувашиядә 1879 елда халык акчасына салынган мәчетне төзекләндерәчәкләр

Чувашиянең Батыр районындагы Озын Куак авылында тарихи мәчеткә реконструкция ясалачак. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә, дип җиткеерә "Татар-информ"мәгълүмат агентлыгы.

«Аллаһ йорты - авылдагы әһәмиятле рухи үзәкләрнең берсе. Ул 1879 елда авыл халкы акчасына төзелгән. Иске бина вакыт таләпләренә җавап бирмәгәнгә, мәчетне төзекләндерергә карар кылганнар», диелә хәбәрдә.

Фото: ТНВ