Мөселманнар Болгарда Мәүлид ән Нәби бәйрәмен үткәрде

Ул Мөхәммәт Пәйгамбәрнең туган көне буларак билгеләп үтелә. Мәүлид — исламда Ураза гаете белән Корбан бәйрәменнән кала, өченче мөһим дата булып тора. Әлеге тантанада — Дәүләт Киңәшчесе Минтимер Шәймиев, Татарстан Рәисе Хакимияте җитәкчесе Әсгать Сәфәров һәм дин әһелләре катнашты.

Бәйрәм уңаеннан Болгарда берничә вакыйга булды. Ислам дине рәсми кабул ителгән урында мондый тантана узуы — бабаларыбыздан килгән гореф-гадәтләрне саклау һәм яшь буынга тапшырырга мөмкинлек бирә. Мәүлид ән Нәби бәйрәменнән Илдар Сафиуллин репортажы.