Татарстанда гошер сәдакасын җыю дәвам итә

Гошер — хәернең бер төре, һәр мөселман бакчасыннан җыеп алынган уңышның уннан бер өлешен мохтаҗларга таратырга тиеш.

Казанның «Зәкят» хәйрия фондына Питрәч районыннан 2 тоннага якын азык-төлекне алып килделәр. Әлки, Әтнә, Балтач һәм Алексеевск районнары да изге эшкә үз өлешен керткән.

Аз керемлеләр өчен берничә көндә 10 тонна бәрәңге, кишер, кәбестә, чөгендер җыйганнар. Мохтаҗларга ярдәм күрсәтергә теләүче кешеләргә кая мөрәҗәгать итәргә? Лиана Бәхтиева белеште.