https://tnv.ru
07 Февраль 2024, 13:10
54
0
![Казанның Мәрҗани мәчетенә реставрация ясаячаклар](https://s.tnv.ru/resize_cache/174078/372cffca02c6cd34fde6fd3f308be2df/iblock/9db/9dbb953fa1c4dc356c517be99eb28389/22caeb966e3beae3e9bc5e4c41d6b11b.jpg)
Федераль әһәмияткә ия мәдәни мирас объекты дип табылган Казанның Мәрҗани мәчетендә быел масштаблы реставрация эшләре көтә. Бу хакта ТР Мәдәни мирас объектларын саклау комитетының матбугат хезмәте хәбәр итә, дип яза "Татар-информ".
Аерым алганда, мәчетнең фасадларына тарихи кыяфәтен кире кайтару күздә тотыла. Моның өчен декор, кәрнизләрне чистартырга һәм яңадан торгызырга, тышкы диварларның саклагыч япмаларын, шулай ук капительләрне (колоннаның иң өске өлешләре) алыштырырга кирәк.
Икенче каттагы тәрәзә блокларының да тарихи кыяфәте кире кайтарылачак. Андагы өске арка фрамугаларына баштарак төсле (сары, яшел һәм зәңгәр) пыялалар куелган, ә тәрәзә капкачлары алты өлешкә бүленгән булган.
Үз чиратында, беренче каттагы тәрәзә блокларында янгын вакытында төтеннең таралуына юл куймас өчен электр приводлы ачыла торган фрамугалар барлыкка киләчәк.
Моннан тыш, манаралар һәм мәчет интерьерларын әйләндереп алган металл галереяләрне реставрацияләү, шулай ук таш койма һәм дүрт янкорманы тәртипкә китереп, тарихи территорияне төзекләндерү күздә тотыла.
Мәрҗани мәчетен саклау буенча проект документлары дәүләт тарихи-мәдәни экспертизасының уңай бәяләмәсен алган.
Фото: ТР Мәдәни мирас объектларын саклау комитетының матбугат хезмәте
Аерым алганда, мәчетнең фасадларына тарихи кыяфәтен кире кайтару күздә тотыла. Моның өчен декор, кәрнизләрне чистартырга һәм яңадан торгызырга, тышкы диварларның саклагыч япмаларын, шулай ук капительләрне (колоннаның иң өске өлешләре) алыштырырга кирәк.
Икенче каттагы тәрәзә блокларының да тарихи кыяфәте кире кайтарылачак. Андагы өске арка фрамугаларына баштарак төсле (сары, яшел һәм зәңгәр) пыялалар куелган, ә тәрәзә капкачлары алты өлешкә бүленгән булган.
Үз чиратында, беренче каттагы тәрәзә блокларында янгын вакытында төтеннең таралуына юл куймас өчен электр приводлы ачыла торган фрамугалар барлыкка киләчәк.
Моннан тыш, манаралар һәм мәчет интерьерларын әйләндереп алган металл галереяләрне реставрацияләү, шулай ук таш койма һәм дүрт янкорманы тәртипкә китереп, тарихи территорияне төзекләндерү күздә тотыла.
Мәрҗани мәчетен саклау буенча проект документлары дәүләт тарихи-мәдәни экспертизасының уңай бәяләмәсен алган.
Фото: ТР Мәдәни мирас объектларын саклау комитетының матбугат хезмәте
Бүлешергә
Комментарии 0