Рөстәм Миңнеханов Ульяновскта яңа мәчет ачылышында катнашты

Кичә Ульяновски өлкәсендәге дин-кардәшләребез өчен тагын бер күркәм вакыйга булды. Ләйлә-Җамал дип аталучы яңа мәчет ачтылар. Ул татарлар күпләп яши торган Зөя аръягы районында урнашкан. Ачылыш тантанасында Татарстан Рәисе Рөстәм Миннеханов һәм өлкә губернаторы Алексей Русских катнашты.

Мәчетне төзергә 21 милләт вәкиле ярдәм иткән, араларында православие динендәгеләр дә бар. Ә олуг эшнең чишмә башында эшмәкәр Наил Алимов тора. Тарихи төзелеш турында ачылыш тантанасыннан үз хәбәрчебез Рамис Сафин.