Биш татарстанлыга республиканың атказанган механизаторы исеме бирелде

Биш татарстанлыга «Татарстан Республикасының атказанган авыл хуҗалыгы механизаторы» дигән мактаулы исем бирелде. Тиешле указга ТР Рәисе Рөстәм Миңнеханов кул куйды, дип яза "Татар-информ".

Авыл хуҗалыгы хезмәтчәннәре «авыл хуҗалыгы җитештерүендә күпьеллык намуслы хезмәтләре өчен» бүләкләгәннәр.

Мактаулы исемгә «Саба» ҖЧҖ тракторчысы Заһит Галиев (республиканың Саба районы), «Аксу Агро» агрофирмасы» ҖЧҖ авыл хуҗалыгы производствосы тракторчы-машинистлары Шәүкәт Гафиятуллин һәм Геннадий Матюшкин (Аксубай районы), «Мамонов А.И.» КФХ тракторчысы Юрий Железнов (Спас районы), «Тукайагрохимсервис» ҖЧҖ тракторчы-машинисты Фәнис Солтанов (Тукай районы) лаек була.