Баулы мөхтәсибәтендә СВОдагы хәрбиләр өчен гуманитар ярдәм әзерлиләр

Татарстан мөселманнары Диния нәзарәте матбугат хезмәте Баулы районы Исергәп авылы мәчетендә махсус хәрби операция солдатлары өчен гуманитар ярдәм җибәрү өчен әзерлек башланды дип хәбәр итә.

Кичә егермегә якын авыл халкы – абыстайлар, укытучылар, лаеклы ялда булучылар, “Ак калфак” оешмасы активистлары токмач кискән. 

Авыл мөслимәләре ял көннәрендә дә токмач кисәчәк. Алар шулай ук йон оекбашлар бәйли, дару үләннәрен пакетларга тутыра.

 Исегезгә төшерәбез, 2 сентябрьдән Татарстанда Оборона министрлыгы белән контракт төзүчеләр берьюлы 2 миллион сумга кадәр акча алачаклар. Тулырак мәгълүмат 8 (800) 222-59-00 телефоны аша һәм heroes-tatarstan.ru сайтында.

Фото: dumrt.ru