Түбән Кама районы Колмакчы авылында мәчет төзекләндерелгән

Түбән Кама мөхтәсибәтенең Колмакчы авылы мәчетен төзекләндерү эшләре төгәлләнгән. 8 декабрьдә Түбән Кама муниципаль районы башлыгы һәм Түбән Кама шәһәре мэры Рамил Муллин әлеге матур һәм уңайлы мәчеттә булды, дип яза Татарстан мөселманнары Диния нәзарәте матбугат хезмәте.

Түбән Кама мөхтәсибәтендә мәхәлләләр эшчәнлеге өчен җаваплы Рәйхан хәзрәт Нәҗметдинов Колмакчы авылы имамы Зәйнәтулла хәзрәт Гатауллинның бу мәчетне төзекләндерүдә күп көч куйганын билгеләп үтте. 

Авыл халкы белән бергә өйлә намазы укыганнар. Рәсми ачылыш 26 декабрьдә көтелә.

Фото: Түбән Кама мөхтәсибәте матбугат хезмәте.