Казанда һәм Татарстанның зур шәһәрләрендә ифтарлар кайда узачак?

28 февральдә – кояш баю белән, изге Рамазан ае керә. 1 мартта барлык мөселманнар беренче көн ураза тота.

Татарстан мөселманнары Диния нәзарәте матбугат хезмәте Казандагы һәм Татарстан Республикасының иң зур шәһәрләрендәге ифтарлар уздырыла торган мәчетләр исемлеген тәкъдим итә. 

Казанда 47 мәчеттә ифтар узачак. Моннан тыш, кайбер мәчетләр, пандемия чорында башланган традицияне дәвам итеп, ифтарга ланч-бокслар таратуны оештыра.