Балтач районының Борбаш авылында Бөтенроссия мөселман балалар Сабантуе узды

Балтач районының Борбаш авылында Бөтенроссия мөселман балалар Сабантуе узды. Быел ул 18нче тапкыр оештырыла. Монда тәрбияви мәгънәгә ия мөнәҗәтләр, Коръән аятләре яңгырый, балалар күңелле уеннарда катнаша.

Бәйрәмнең дресс-коды да бар - шәригатъ кануннарына туры китереп киенәсе! Инде берничә ел Сабантуйга Россия төбәкләреннән кунаклар җыела - быел Ульяновск, Киров, Оренбург өлкәләреннән, күрше Башкортстан, Марий Эл республикаларыннан гаиләләр килде.

Бала тәрбиясенә дини традицияләребез аша караш турында - Эльмира Имамиева.