Казанда яңа мәчет төзелә: проектка хәйриячеләр эзлиләр

Казанның Идел буе районындагы Бертуган Батталовлар урамында зур төзелеш башланган. Шәһәребезнең чираттагы күрке булырдай мәчет торгызырга керешкәннәр.

Гыйбадатханәне салдыручылар инде җир участогын тапкан, эскизның проектын ясаган, Башкарма комитеттан төзелешкә рөхсәт алганнар, хәзер мәчетнең нигезе салына. Әмма башлаган эшне төгәлләр өчен игелекле кешеләрнең ярдәменә өметләнәләр. 25 миллион сум инде сарыф ителгән. Төзелешнең чираттагы этабына керешер өчен тагын 50 миллион кирәк.