Рөстәм Миңнеханов Мәскәүдә халыкара мөселман форумы һәм фәнни-гамәли конференциядә катнашты

Рөстәм Миңнеханов эшлекле сәфәр белән Мәскәүдә иде. Анда ул берьюлы ике чарада: 21нче халыкара мөселман форумы һәм фәнни-гамәли конференциядә катнашты.

Төрле илләрдән җыелган вәкилләр Ислам дөньясы белән хезмәттәшлек хакында фикер алыша. Ил президенты Владимир Путин кушуы буенча Рөстәм Миңнеханов "Россия-Ислам дөньясы" стратегик күзаллау төркемен җитәкли. Киләсе елга Казанны "Ислам дөньясының мәдәни башкаласы" итеп сайладылар. Алга таба планнар нинди? Инзилә Хөсәенова репортажы.