Татарстанның шәһәр мәчетләрендә Ураза гаетен уздыру тәртибе билгеләнде

20 март көнне мөселман дөньясы Ураза гаетен билгеләп үтәчәк. Татарстан Республикасының шәһәр мәчетләрендә Коръән уку иртәнге 6:30 сәгатьтә башланачак. Бу турыда Татарстан мөселманнары Диния нәзарәте матбугат хезмәте хәбәр итә.

6.30-да - Коръән уку;

7.00-дә – гает вәгазе;

7.30-да – гает намазы.

Авыл җирлекләрендә гает намазын кояш чыгып ярты сәгать узгач уку тәкъдим ителә.

Татарстан Мөфтие Камил хәзрәт Сәмигуллинның бәйрәм вәгазе турыдан-туры эфирда “ТНВ-Татарстан” һәм “ТНВ-Планета” телеканалларында күрсәтеләчәк.

Фото: ТНВ