Корбан гаете алдыннан Татарстанда яңа кагыйдә: терлекне читтән кертү тыела

Быел корбан гаетендә чалыначак терлекне Татарстанга чит төбәкләрдән алып кайту тыела. Республикага куркыныч йогышлы авырулар кермәсен өчен ветеринарлар шундый таләп куйды. Исегезгә төшерәбез, Россиянең кайбер төбәкләрендә, шулай ук безнең күршеләрдә - мал-туар чирләре ачыкланды.

Шуңа саклык чаралары көчәйтелә. Бүген Татарстанның Диния назәрәтендә Корбан бәйрәменә әзерлек буенча киңәшмә узды. Аның нәтиҗәләре турында Эльмира Имамиева сөйләр.