Казанда пермь татарлары турында китап дөнья күрде

Пермь татарларының Ватанны саклаудагы батырлыгы. Бүген Бөтендөнья татар конгрессында шундый исемдәге яңа китапны тәкъдим иттеләр. Ул Бөек Ватан сугышында батырлык күрсәткән 120 татар солдатына багышлана.

Басманы тәкдим итү уңаеннан Пермь өлкәсе һәм Татарстаннан 20 галим, тарихчылар очрашты. Алар китап геройлары турында мәгълүмат туплауга үзеннән зур өлеш керткән. Китапның эчтәлеге белән Алия Хәйретдинова да танышты.