Татарстанда мәктәпләрне саклауга 457 млн сум бүлеп бирелгән

Казанның 175 номерлы гимназиясендә булган хәлләрдән соң, Татарстан мәктәпләрендә иминлекне тәэмин итүгә 457 млн сум акча тотылган. Бу хакта ТР Президенты Рөстәм Миңнеханов белдерде, дип хәбәр итә "Реальное время".

Республика башлыгы сүзләренә караганда, ата-аналар үз балалары өчен тыныч булырга тиеш. Әлеге сумма киләчәктә тагын да тулыначак.

Шулай ук Рөстәм Миңнеханов Татарстанда мәктәп укытучылары өчен ноутбукларны яңарту программасы эшли башлавын хәбәр итте. Беренче этапта яңа техниканы 12 000 педагог алачак.

Фото: pixabay.com