Май бәйрәмнәрендә мәктәп укучылары һәм студентларның ничек ял итүләре билгеле булды

Татарстанда мәктәп укучылары, көллият һәм югары уку йортлары студентлары, биш көнлек уку атнасы булган очракта, 30 апрельдән 3 майга кадәр һәм 7-10 майда укымаячаклар.

Ә алты көнлек уку атнасында укучылар 1,2 май һәм 8-10 май көннәрендә ял итәчәк. Балалар бакчалары да бу график буенча эшләячәк, дип хәбәр итә Татарстан Мәгариф һәм фән министрлыгының матбугат хезмәте.

Элегрәк Казан Кремленең рәсми вәкиле Лилия Галимова Министрлар Кабинетында узган брифингта Татарстанда май аенда ял көннәрен озайту каралмаган, дип белдерде.

Фото: Наталья Левчук (ТНВ)