Кайчандыр татар дип саналган, Иж-Бубый исемен йөрткән мәктәп язмышын ни көтә?

Кайчандыр татар дип саналган, Иж-Бубый исемен йөрткән мәктәп 2017 елларда туган телләргә карата вәзгыятьнең үзгәрүе уңаеннан барлык фәннәрне дә диярлек русча укытуга күчерә.

Мәктәп җитәкчелегенең "татар телендә дә укытабыз" диюенә бик тә ышанасы килә, әмма рәсми уку планында татар телендә бер генә дәреслек күрсәтелгән. Ул да булса география китабы. Бу фәннең дә татарча укытылуы бик тә шөбһәле, чөнки яңа уку елына әзерләп куелган дәреслекләр арасында бер татар китабы да күзгә чалынмады.