Татарстанда яшь педагогларның хезмәт хакларына өстәмә түләүләр артты

Татарстанда яшь педагогларның хезмәт хакына өстәмә түләүне 1111 сумнан 2510 сумга кадәр арттырдылар. Тиешле карарны ТР Премьер-министры Алексей Песошин имзалаган.

Өстәмә түләүләр яңа гына эшли башлаган педагогларга эшкә урнашканнан соң өч ел эчендә бирелә. Хәзер бу түләүләрне 35 яшькә кадәр белгечләр ала ала.

Үзгәрешләр 2023 елның 1 гыйнварыннан үз көченә керәчәк.

Фото: Мәгариф һәм фән министрлыгы