Казанда 41 укучы БДИны 100 баллга тапшырган

Казанда бердәм дәүләт имтиханының беренче нәтиҗәләре билгеле булды. Сайлап алынган фән нәтиҗәләре буенча 41 укучы 100 балл туплады, диелә Казан шәһәренең рәсми сайтында.

Мәсәлән, иң күп йөз балл җыючылар рус әдәбияты фәненнән булган – 31 укучы, химия буенча – тугыз укучы һәм география буенча – бер укучы.

"Татарстан хәбәрләре" илдә имтиханнар башлану турында репортаж әзерләгән иде. Быел студентларны нинди сынаулар көтә? Татар теле буенча имтихан ничек уза? Нинди үзенчәлекләре бар? Тулырак киләсе репортажда.