Россия мәктәпләрендә террорчылыкка каршы өйрәнүләр узды

Кичә бөтен Россия мәктәпләрендә террорчылыкка каршы өйрәнүләр узды. Татарстанда Гадәттән тыш хәлдә үзеңне тоту кагыйдәләрен 3 мең ярым мәктәптә кабатладылар.

Барысы өчен дә бер үк сценарий сайлап алына. Ул шикле кешенең территориягә үтеп керүе һәм шикле әйбер калдыруы белән бәйле. Аны эчкә уздырмау, кабинетларны бикләү, табылдыкны зарарсызландыру - һәр хезмәткәрнең үз вазифасы бар.

Өйрәнүләрдә безнең Республикада 684 мең укучы белән укытучы һәм сак хезмәткәрләре катнашты. Теманы Рүзәл Шәрипов дәвам итәр.