Әлмәттә бер укучы Бердәм Дәүләт имтиханыннан 300 балл җыйган

Татарстанда быел бер укучы өч фәннән Бердәм Дәүләт имтиханы тапшырып, 300 балл җыйган. Мондый нәтиҗәнең республикада инде 3 ел теркәлгәне булмый.

 Әлмәтнең 20нче номерлы мәктәп укучысы Анастасия Князева рус, инглиз теле һәм әдәбияттан имтихан биреп, иң югары нәтиҗәләргә ирешә. 

Әлеге сынауларга ул ничек әзерләнгән? Киләчәктә укуын кайда дәвам итәргә тели? Рекордлы баллар җыйган кыз белән безнең Әлмәттәге үз хәбәрчебез Әдилә Закирова очрашты.