Татарстанның югары уку йортларында инженер-техник белгечлекләр буенча бюджет урыннары арттырылган

Быел Татарстанның югары уку йортларында инженер-техник белгечлекләр буенча бюджет урыннарының саны арттырылган. Аларга завод-предприятиеләрдә ихтыяҗ бик зур. 

Бүген үк Казан вертолет заводына 400 кеше кирәк. Цехларын, җитештерү компексларын яңарта торган авиация заводында да шул ук хәл. Аеруча конструктор, технолог, проектлаштыручыларны эшкә көтәләр. КАИда быел өстәмә рәвештә 150 бюджет урыны ачканнар. Әмма кабул итү комиссиясендә әйтүләренчә, программалаштыручылар акча күп эшли дип, инженер булырга теләмиләр икән.