Казанның авиация-техник көллиятендә бер урынга 8 кеше дәгъва кыла

Казанның авиация-техник көллияте яңа уку елына әзерләнә. Студентларны кабул итү кампаниясе иртәгә тәмамланачак. Быел конкурсны барсы да үтә алмаган, чөнки бер урынга 8 кеше дәгъва кыла.

Укырга теләүчеләрнең саны артуы - Казан авиация предприятиеләрендә эшчеләр җитмәүгә бәйле. Заводларга слесарь, җыючы һәм эретеп ябыштыручылар кирәк. Бу көллияттә 10нчы елын Ресурс үзәге эшли. Монда нәкъ шул һөнәрләргә өйрәтәләр һәм өстәмә укыталар.