Казан Федераль Университеты 220 еллык юбилеен билгеләп үтәчәк

Бу атнада Казан Федераль Университеты 220 еллык юбилеен билгеләп үтәчәк. Шул уңайдан Россия Президенты котлау юллаган.

Владимир Путин сүзләренчә, бүген КФУ - илнең иң алдынгы мәгърифәт үзәкләренең берсе. Анда укып чыккан сәләтле студентлар - икътисад һәм медицина, мәгариф һәм фән, әдәбият һәм мәдәният үсешенә зур өлеш кертә.

Бүген биредә 52 мең студент белем ала, аларга 4 мең фәнни хезмәткәр белем бирә. КФУның башкаладагы биналары гына миллион квадрат метр мәйданны били. Аның обсерваторияләре ЮНЕСКОның Бөтендөнья мирасы исемлегенә кертелгән. Рүзәл Шәрипов репортажы.