Казанда халык шагыйре Роберт Миңнуллинның биш китабын бастырып чыгардылар

Татарстанда балалар әдәбияты өчен күренекле вакыйга! Казанда халык шагыйре Роберт Миңнуллинның берьюлы биш китабын бастырып чыгардылар.

Хәзер аларны Республика китапханәләренә таратачаклар. Җыентыкларны яңадан нәшер итәргә - Татарстан Рәисе каршындагы туган телләрне саклау комиссиясе булыша һәм Роберт Миңнуллин иҗатын яраткан өлкәннәргә дә, балаларга да күчтәнәч ясаган.

Сыйфатлырак итеп чыгарылган һәм әле буяу исе килеп торган басмаларны Алия Сабирова да кулына алды.