"Галим галәме": Республиканың һәм илнең нефть тармагында легендага тиң шәхес - Ренат Мөслимов

Тапшыруны "Галим галәме" дип аталган сәхифә белән дәвам итәбез. Ул Республикадагы Фәнни-технологик үсеш елына багышлана. Бүгенге репортажыбыз - Республиканың һәм илнең нефть тармагында легендага тиң шәхес - Ренат Мөслимов турында булачак. Быел аңа 90 яшь тулды.

Гомеренең 67 елын ул кара алтын чыгаруга багышлаган. Ренат Мөслимов эшләгән вакытта нефтьнең 100дән артык ятмасы табыла, аның җитәкчелегендә заманча алымнардан файдалана башлыйлар.