Илсур Һадиуллин мәгариф өлкәсендәге яңалыклар белән бүлеште

Россия халыклары телләре дигән яңа дәрес, Татарстанда ел саен унга якын татар мәктәбе ябыла, Россия төбәкләрендә укырга теләүче мигрант балалары рус теленнән тест бирә башлый.

Кичә республиканың мәгариф министры Илсур Һадиуллин бу хакта матбугат очрашуында җиткерде. Ул мәктәпләрдәге белем бирү сыйфаты, татар телен укытуда федераль стандартлар, кадрлар җитмәү мәсьәләләренә тукталды. Әйтик, авыл җирендә укытучылар җитмәү - "Авыл мөгаллиме" программасы буенча өлешчә хәл ителә. Соңгы елда 12 укытучы килгән.

Биредә мәгариф темасын даими яктыртучы журналистлар конкурсына нәтиҗә ясадылар. Алар арасында безнең телеканал хәбәрчеләре дә бар. Тулырак Алия Хәйретдинова репортажында.