Татарстанлыларга язгы каникулларның көннәрен атадылар

Татарстанда язгы мәктәп каникуллары 22 марттан 31 мартка кадәр дәвам итәчәк. Җәйге каникуллар 27 майдан планлаштырылган, дип хәбәр итә ТР Мәгариф һәм фән министрлыгы матбугат хезмәте.

Исегезгә төшерәбез, каникулларның башлану һәм тәмамлану вакытын һәр мәктәп мөстәкыйль билгели. Каникуллар җиде календарь көннән дә ким булмаска тиеш.

Элегрәк Мәгариф министрлыгы Рособрнадзор белән берлектә бердәм дәүләт имтиханын (ЕГЭ) уздыру даталарын раслаган указ бастырган иде.

Фото: ТНВ