Танылган татар балалар әдипләре әсәрләрен хәзер якут телендә укырга була

Танылган татар балалар әдипләре әсәрләрен хәзер якут телендә укырга була. Кичә җыентыкны Казанның Милли китапханәсендә ике төбәкнең язучылар берлеге әгъзалары тәкъдим итте.

Кичәгә - Якутия, Казахстан, Үзбәкстан, Башкорстаннан иҗат әһелләре килгән. Яңа басма - "Хәзерге заман татар балалар әдәбияты антологиясе" дип атала. Анда 35 авторның шигырь һәм хикәяләре тупланган.

Мондый антологияләр әдәбиятыбызны баетып кына калмый, ике халык арасында мөнәсәбәтләрне ныгытуга ярдәм итә, диләр.