Казанда "Күптелле Россия" форумы ачылды

Россия халыкларының туган телләре сакланмаса - милләттара татулыкка ирешеп булмаячак. Бүген Казанда башланган "Күптелле Россия" форумында катнашучылар шундый фикерләрен җиткерде.

 300 белгеч «Адымнар» мәктәбендә күреште. Татарстан тәҗрибәсе Азәрбайҗан, Үзбәкстан, Казахстан, Беларусь вәкилләрен кызыксындыра. 2 көн дәвамында мәгариф хезмәткәрләре яңа методикалар булдырырга ниятли. Балаларга туган тел белән беррәттән чит телләрне өйрәтү - форумның төп мәсьәләсе булып тора.

Моңа ничек ирешергә? Белгечләр фикерен Лиана Бәхтиева тыңлады.